(1)మరీచి కొడుకు కశ్యప ప్రజాపతి. బ్రహ్మదేవుడి కుడి చేతి బొటన వేలి నుండి దక్షుడు అనే పురుషుడు, ఎడమచేతి బొటన వేలి నుండి ధరణి అనే స్త్రీ జన్మించారు. వారు ఇరువురికి వెయ్యి మంది మహా రుషులు జన్మించారు. (2)బ్రహ్మ మానస పుత్రులలో రెండవ వాడైన అంగిరుసున కు, ఉతధ్యుడు, బృహస్పతి, సంవర్తుడు అనే కొడుకులు పుట్టారు. బృహస్పతి దేవతలకు గురువు ఐనాడు. (3).అత్రి అనే మానసపుత్రునికి అనేక మంది మహా మునులు జన్మించారు.(4) పులస్త్యుడు అనే బ్రహ్మ మానసపుత్రునకు, రాక్షసులు జన్మించారు. (5)పులహుడు అనే మానస పుత్రునకు, కిన్నరలు, కింపురుషులు జన్మించారు.(6)క్రతువు అనే మాన సపుత్రునకు పక్షి జాతి పుట్టింది.

ఆదిపర్వ - అధ్యాయ 205

॥ శ్రీః ॥
1.205. అధ్యాయః 205
Mahabharata - Adi Parva - Chapter Topics
అర్జునేన కర్ణపరాజయః॥ 1 ॥
భీమేన కర్ణపరాజయః॥ 2 ॥
యుధిష్ఠిరాదిభిర్దుర్యోధనాదిపరాజయః॥ 3 ॥
పునర్యుద్ధాయ కృతనిశ్చయానాం రాజ్ఞాం శ్రీకృష్ణవాక్యేన యుద్ధోద్యోగాద్విరంయ స్వస్వాలయగమనం॥ 4 ॥
ద్రౌపద్యా సహ భీమార్జునయోః కులాలగృహప్రవేశః॥ 5 ॥
Mahabharata - Adi Parva - Chapter Text

వైశంపాయన ఉవాచ। 1-205-0x(1140)(9041)
అజినాని విధున్వంతః కరకాశ్చ ద్విజర్షభాః।
ఊచుస్తే భీర్న కర్తవ్యా వయం యోత్స్యామహే పరాన్॥ 1-205-1(9042)
తానేవం వదతో విప్రానర్జునః ప్రహసన్నివ।
ఉవాచ ప్రేక్షకా భూత్వా యూయం తిష్ఠత పార్శ్వతః॥ 1-205-2(9043)
అహమేనానజిహ్మాగ్రైః శతశో వికిరంఛరైః।
వారయిష్యామి సంక్రుద్ధాన్మంత్రైరాశీవిషానివ॥ 1-205-3(9044)
ఇతి తద్ధనురానంయ శుల్కావాప్తం మహాబలః।
భ్రాత్రా భీమేన సహితస్తస్థౌ గిరిరివాచలః॥ 1-205-4(9045)
తతః కర్ణముఖాందృష్ట్వా క్షత్రియాన్యుద్ధదుర్మదాన్।
సంపేతతురభీతౌ తౌ గజౌ ప్రతిగజానివ॥ 1-205-5(9046)
ఊచుశ్చ వాచః పరుషాస్తే రాజానో యుయుత్సవః।
ఆహవే హి ద్విజస్యాపి వధో దృష్టో యుయుత్సతః॥ 1-205-6(9047)
ఇత్యేవముక్త్వా రాజానః సహసా దుద్రువుర్ద్విజాన్।
తతః కర్ణో మహాతేజా జిష్ణుం ప్రతి యయౌ రణే॥ 1-205-7(9048)
యుద్ధార్థీ వాసితాహేతోర్గజః ప్రతిగజం యథా।
భీమసేనం యయౌ శల్యో మద్రాణామీశ్వరో బలీ॥ 1-205-8(9049)
దుర్యోధనాదయః సర్వే బ్రాహ్మణైః సహ సంగతాః।
మృదుపూర్వమయత్నేన ప్రత్యయుధ్యంస్తదాఽఽహవే॥ 1-205-9(9050)
తతోఽర్జునః ప్రత్యవిధ్యదాపతంతం శితైః శరైః।
కర్ణం వైకర్తనం శ్రీమాన్వికృష్య బలవద్ధనుః॥ 1-205-10(9051)
తేషాం శరాణాం వేగేన శితానాం తిగ్మతేజసాం।
విముహ్యమానో రాధేయో యత్నాత్తమనుధావతి॥ 1-205-11(9052)
తావుభావప్యనిర్దేశ్యౌ లాఘవాజ్జయతాం వరౌ।
అయుధ్యేతాం సుసంరబ్ధావన్యోన్యవిజిగీషిణౌ॥ 1-205-12(9053)
కృతే ప్రతికృతం పశ్య పశ్య బాహుబలం చ మే।
ఇతి శూరార్థవచనైరభాషేతాం పరస్పరం॥ 1-205-13(9054)
తతోఽర్జునస్య భుజయోర్వీర్యమప్రతిమం భువి।
జ్ఞాత్వా వైకర్తనః కర్ణః సంరబ్ధః సమయోధయత్॥ 1-205-14(9055)
అర్జునేన ప్రయుక్తాంస్తాన్బాణాన్వేగవతస్తదా।
ప్రతిహత్య ననాదోచ్చైః సైన్యాని తదపూజయన్॥ 1-205-15(9056)
కర్ణ ఉవాచ। 1-205-16x(1141)
తుష్యామి తే విప్రముఖ్య భుజవీయర్స్య సంయుగే।
అవిషాదస్య చైవాస్య శస్త్రాస్త్రవిజయస్య చ॥ 1-205-16(9057)
కిం త్వం సాక్షాద్ధనుర్వేదో రామో వా విప్రసత్తమ।
అథ సాక్షాద్ధరిహయః సాక్షాద్వా విష్ణురచ్యుతః॥ 1-205-17(9058)
ఆత్మప్రచ్ఛాదనార్థం వై బాహువీర్యముపాశ్రితః।
విప్రరూపం విధాయేదం మన్యే మాం ప్రతియుధ్యసే॥ 1-205-18(9059)
న హి మామాహవే క్రుద్ధమన్యః సాక్షాచ్ఛచీపతేః।
పుమాన్యోధయితుం శక్తః పాండవాద్వా కిరీటినః॥ 1-205-19(9060)
`దగ్ధా జతుగృహే సర్వే పాండవాః సార్జునాస్తదా।
వినార్జునం వా సమరే మాం నిహంతుమశక్నువన్॥' 1-205-20(9061)
తమేవంవాదినం తత్ర ఫాల్గునః ప్రత్యభాషత।
నాస్మి కర్ణ ధనుర్వేదో నాస్మి రామః ప్రతాపవాన్॥ 1-205-21(9062)
బ్రాహ్మణోఽస్మి యుధాం శ్రేష్ఠః సర్వశస్త్రభృతాం వరః।
బ్రాహ్మే పౌరందరే చాస్త్రే నిష్ఠితోగురుశాసనాత్॥ 1-205-22(9063)
స్థితోఽస్ంయద్య రణే జేతుం త్వాం వై వీర స్థిరో భవ।
`నిర్జితోఽస్మీతి వా బ్రూహి తతో వ్రజ యథాసుఖం॥ 1-205-23(9064)
వైశంపాయన ఉవాచ। 1-205-24x(1142)
ఏవముక్త్వాఽథ కర్ణస్య ధనుశ్చిచ్ఛేద పాండవః।
తతోఽన్యద్ధనురాదాయ సంయోద్ధుం సందధే శరం॥ 1-205-24(9065)
దృష్ట్వా తచ్చాపి కౌంతేయశ్ఛిత్వా తద్ధనురాశుగైః।
తథా వైకర్తనం కర్ణం బిభేద సమరేఽర్జునః॥ 1-205-25(9066)
తతః కర్ణస్తు రాధేయః ఛిన్నఛన్వా మహాబలః।
శరైరతీవ విద్ధాంగః పలాయనమథాకరోత్॥ 1-205-26(9067)
పునరాయాన్ముహూర్తేన గృహీత్వా సశరం ధనుః।
వవర్ష శరవర్షాణి పార్థం వైకర్తనస్తథా॥ 1-205-27(9068)
తాని వై శరజాలాని కౌంతేయోఽభ్యహనచ్ఛరైః।
జ్ఞాత్వా సర్వాఞ్శరాన్ఘోరాన్కర్ణోఽదావద్ద్రుతం బహిః॥' 1-205-28(9069)
బ్రాహ్మం తేజస్తదాఽజయ్యం మన్యమానో మహారథః।
అపరస్మిన్వనోద్దేశే వీరౌ శల్యవృకోదరౌ॥ 1-205-29(9070)
బలినౌ యుద్ధసంపన్నౌ విద్యయా చ బలేన చ।
అన్యోన్యమాహ్వయంతౌ తు మత్తావివ మహాగజౌ॥ 1-205-30(9071)
ముష్టిభిర్జానుభిశ్చైవ నిఘ్నంతావితరేతరం।
ప్రకర్షణాకర్షణయోరభ్యాకర్షవికర్షణైః॥ 1-205-31(9072)
ఆచకర్షతురన్యోన్యం ముష్టిభిశ్చాపి జఘ్నతుః।
తతశ్చటచటాశబ్దః సుఘోరో హ్యభవత్తయోః॥ 1-205-32(9073)
పాషాణసంపాతనిభైః ప్రహారైరభిజఘ్నతుః।
ముహూర్తం తౌ తదాఽన్యోన్యం సమరే పర్యకర్షతాం॥ 1-205-33(9074)
తతో భీమః సముత్క్షిప్య బాహుభ్యాం శల్యమాహవే।
అపాతయత్కురుశ్రేష్ఠో బ్రాహ్మణా జహసుస్తదా॥ 1-205-34(9075)
తత్రాశ్చర్యం భీమసేనశ్చకార పురుషర్షభః।
యచ్ఛల్యం పాతితం భూమౌ నావధీద్బలినం బలీ॥ 1-205-35(9076)
పాతితే భీమసేనేన శల్యే కర్ణే చ శంకితే।
`విస్మయః పరమో జజ్ఞే సర్వేషాం పశ్యతాం నృణాం॥ 1-205-36(9077)
తతో రాజసమూహస్య పశ్యతో వృక్షమారుజత్।
తతస్తు భీమం సంజ్ఞాభిర్వారయామాస ధర్మరాట్॥ 1-205-37(9078)
ఆకారజ్ఞస్తథా భ్రాతుః పాండవోఽపి న్యవర్తత।
ధర్మరాజశ్చ కౌరవ్య దుర్యోధనమమర్షణం॥ 1-205-38(9079)
అయోధయత్సభామధ్యే పశ్యతాం వై మహీక్షితాం।
తతో దుర్యోధనస్తం తు హ్యవజ్ఞాయ యుధిష్ఠిరం॥ 1-205-39(9080)
నాయోధయత్తదా తేన బలవాన్వై సుయోధనః।
ఏతస్మిన్నంతరేఽవిధ్యద్బాణేనానతపర్వణా॥ 1-205-40(9081)
దుర్యోధనమమిత్రఘ్నం ధర్మరాజో యుధిష్ఠిరః।
తతో దుర్యోధనః క్రుద్ధో దండాహత ఇవోరగః॥ 1-205-41(9082)
ప్రత్యయుధ్యత రాజానం యత్నం పరమమాస్థితః।
ఛిత్త్వా రాజా ధనుః సజ్యం ధార్తరాష్ట్రస్య సంయుగే॥ 1-205-42(9083)
అభ్యవర్షచ్ఛరౌఘైస్తం స హిత్వా ప్రాద్రవద్రణం।
దుఃశాసనస్తు సంక్రుద్ధః సహదేవేన పార్థివ॥ 1-205-43(9084)
యుద్ధ్వా చ సుచిరం కాలం సహదేవేన నిర్జితః।
ఉత్సృజ్య చ ధనుః సంఖ్యే జానుభ్యామవనీం గతః।
ఉత్థాయ సోఽభిదుద్రావ సోసిం జగ్రాహ చర్మ చ॥ 1-205-44(9085)
వికర్ణచిత్రసేనాభ్యాం నిగృహీతశ్చ కౌరవః।
మా యుద్ధమితి కౌరవ్య బ్రాహ్మణేనాబలేన వై॥ 1-205-45(9086)
దుఃసహో నకులశ్చోభౌ యుద్ధం కర్తుం సముద్యతై।
తౌ దృష్ట్వా కౌరవా యుద్ధం వాక్యమూచుర్మహాబలౌ॥ 1-205-46(9087)
నివర్తంతాం భవంతో వై కుతో విప్రేషు క్రూరతా।
దుర్బలా బ్రాహ్మణాశ్చేమే భవంతో వై మహాబలాః॥ 1-205-47(9088)
ద్వావత్ర బ్రాహ్మణౌ క్రూరౌ వాయ్వింద్రసదృశౌ బలే।
యే వా కే వా నమస్తేభ్యో గచ్ఛామః స్వపురం వయం॥ 1-205-48(9089)
ఏవం సంభాషమాణాస్తే న్యవర్తంతాథ కౌరవాః।
జహృషుర్బ్రాహ్మణాస్తత్ర సమేతాస్తత్ర సంఘశః॥ 1-205-49(9090)
బహుశస్తే తతస్తత్ర క్షత్రియా రణమూర్ధని।
ప్రేక్షమాణాస్తథాఽతిష్ఠన్బ్రాహ్మణాంశ్చ సమంతతః॥ 1-205-50(9091)
బ్రాహ్మణాశ్చ జయం ప్రాప్తాః కన్యామాదాయ నిర్యయుః।
విజితే భీమసేనేన శల్యే కర్ణే చ నిర్జితే॥ 1-205-51(9092)
దుర్యోధనే చాపయాతే తథా దుఃశాసనే రణాత్।'
శంకితాః సర్వరాజానః పరివవ్రుర్వృకోదరం॥ 1-205-52(9093)
ఊచుశ్చ సహితాస్తత్ర సాధ్విమౌ బ్రాహ్మణర్షభౌ।
విజ్ఞాయేతాం క్వజన్మానౌ క్వనివాసౌ తథైవ చ॥ 1-205-53(9094)
కో హి రాధాసుతం కర్ణం శక్తో యోధయితుం రణే।
అన్యత్ర రామాద్ద్రోణాద్వా పాండవాద్వా కిరీటినః॥ 1-205-54(9095)
కృష్ణాద్వా దేవకీపుత్రాత్కృపాద్వాపి శరద్వతః।
కో వా దుర్యోధనం శక్తః ప్రతియోథయితుం రణే॥ 1-205-55(9096)
తథైవ మద్రాధిపతిం శల్యం బలవతాంవరం।
బలదేవాదృతే వీరాత్పాండవాద్వా వృకోదరాత్॥ 1-205-56(9097)
వీరాద్దుర్యోధనాద్వాఽన్యః శక్తః పాతయితుం రణే।
క్రియతామవహారోఽస్మాద్యుద్ధాద్బ్రాహ్మణసంవృతాత్॥ 1-205-57(9098)
బ్రాహ్మణా హి సదా రక్ష్యాః సాపరాధాఽపినిత్యదా।
అథైనానుపలభ్యేహ పునర్యోత్స్యామ హృష్టవత్॥ 1-205-58(9099)
వైశంపాయన ఉవాచ। 1-205-59x(1143)
తాంస్తథావాదినః సర్వాన్ప్రసమీక్ష్య క్షితీశ్వరాన్।
అథాన్యాన్పురుషాంశ్చాపి కృత్వా తత్కర్మ సంయుగే॥ 1-205-59(9100)
తత్కర్మ భీమస్య సమీక్ష్య కృష్ణః
కుంతీసుతౌ తౌ పరిశంకమానః।
నివారయామాస మహీపతీంస్తా-
ంధర్మేణ లబ్ధేత్యనునీయ సర్వాన్॥ 1-205-60(9101)
ఏవం తే వినివృత్తాస్తు యుద్ధాద్యుద్ధవిశారదాః।
యథావాసం యయుః సర్వే విస్మితా రాజసత్తమాః॥ 1-205-61(9102)
వృత్తో బ్రహ్మోత్తరో రంగః పాంచాలీ బ్రాహ్మణైర్వృతా।
ఇతి బ్రువంతః ప్రయయుర్యే తత్రాసన్సమాగతాః॥ 1-205-62(9103)
బ్రాహ్మణైస్తు ప్రతిచ్ఛన్నౌ రౌరవాజినవాసిభిః।
కృచ్ఛ్రేణ జగ్మతుస్తౌ తు భీమసేనధనంజయౌ॥ 1-205-63(9104)
విముక్తౌ జనసంబాధాచ్ఛత్రుభిః పరివిక్షతౌ।
కృష్ణయానుగతౌ తత్ర నృవీరౌ తౌ విరేజతుః॥ 1-205-64(9105)
పౌర్ణమాస్యాం ఘనైర్ముక్తౌ చంద్రసూర్యావివోదితౌ।
తేషాం మాతా బహువిధం వినాశం పర్యచింతయత్॥ 1-205-65(9106)
అనాగచ్ఛత్సు పుత్రేషు భైక్షకాలే చ లింఘితే।
ధార్తరాష్ట్రైర్హతాశ్చ స్యుర్విజ్ఞాయ కురుపుంగవాః॥ 1-205-66(9107)
మాయాన్వితైర్వా రక్షోభిః సుఘోరైర్దృఢవైరిభిః।
విపరీతం మతం జాతం వ్యాసస్యాపి మహాత్మనః॥ 1-205-67(9108)
ఇత్యేవం చింతయామాసం సుతస్నేహావృతా పృథా।
తతః సుప్తజనప్రాయే దుర్దినే మేఘసంప్లుతే॥ 1-205-68(9109)
మహత్యథాపరాహ్ణే తు ఘనైః సూర్య ఇవావృతః।
బ్రాహ్మణైః ప్రావిశత్తత్ర జిష్ణుర్భార్గవవేశ్మ తత్॥ ॥ 1-205-69(9110)

ఇతి శ్రీమన్మహాభారతే ఆదిపర్వణి స్వయంవరపర్వణి ప·ంచాధికద్విశతతమోఽధ్యాయః॥ 205 ॥

Mahabharata - Adi Parva - Chapter Footnotes
1-205-12 విజిగీషిణౌ విజిగీషావంతౌ॥
1-205-29 వనోద్దేశే రంగదృశాం నివాసస్థానే॥
1-205-34 సముత్క్షిప్య కూష్మాండఫలవదపాతయత్॥
1-205-57 అవహారో యుద్ధాన్నివర్తనం॥
1-205-59 సంయుగే తత్కర్మ కృత్వా తూష్ణీంభూతావితి శేషః॥
1-205-62 బ్రహ్మ బ్రాహ్మణజాతిః ఉత్తరం ఉత్కృష్టం యస్మిన్స బ్రహ్మోత్తరః॥
1-205-69 భార్గవవేశ్మ కులాలగృహం॥ పాంచాధికద్విశతతమోఽధ్యాయః॥ 205 ॥

www.sanatanadharm.com - play store app (sanatana dharm)

"Bharathiya Sanatana Dharm" and Sanatana Dharmam & Dharmo rakshati Rakshitha logo are our trademarks. Unauthorised use of "Sanatana Dharmam & Dharmo rakshoati Rakshitha" and the logo is not allowed. Copyright © sanatanadharm.com All Rights Reserved . Made in India.